Минзәлә районы — Татарстанда яңа уңыш ашлыгын суктыру буенча лидер

20 августка булган оператив мәгълүматлар буенча, республикада ашлык һәм кузаклы культуралар 531 мең гектарда суктырылган, бу әлеге культураларның гомуми урып-җыю мәйданының 48 процентын тәшкил итә. Бүген иртәнге мәгълүматларга караганда, республикада 2 млн 25,9 мең тонна ашлык җыеп алынган. Уртача уңыш — гектарыннан 38,1 центнер.

Җыеп алынган ашлык күләме буенча Минзәлә районы лидер булып тора — биредә 108 мең тонна ашлык суктырылган. Икенче урында — Тәтеш районы (91 мең тонна), өченче урында Алексеевск районы (83 мең тонна). Ашлык уңышы буенча иң югары күрсәткеч Тәтеш районында — бүгенге көндә гектарыннан 56,3 центнер тәшкил итә. Бу күрсәткеч буенча Аксубай, Зәй һәм Мәнзәлә районнары да лидерлар исемлегендә. Бу хакта  ТР Авыл хуҗалыгы һәм азык-төлек министрлыгы хәбәр итә.

ВКонтакте: Мензелинск news - Мензеля-информ

MAX: Новости Мензелинска - Мензеля онлайн

Одноклассники: ok.ru/menzelinsk

Telegram-канал: Мензелинск news - Мензеля-информ