Минзәлә районында яшәүче тыл хезмәтчәне һәм хезмәт ветераны Разия Зәкиева 95 яшьлек юбилеен билгеләп үтте

Алабуга педагогия институтын тәмамлаганнан соң, ике ел дәвамында Алабуга районының Юраш авылындагы урта мәктәптә математика укытучысы булып эшләгән. Бөек Ватан сугышы елларында Разия Зәкиевна кошчылык фермасында каравылда торган. Туган якларына әйләнеп кайткач, педагогик эшчәнлеген дәвам иткән. Минзәлә шәһәрендәге Вахитов исемендәге мәктәптә математика һәм физика фәннәрен укыткан. Пенсиягә чыкканчы Дәвек урта мәктәбендә эшләгән.

Күпьеллык намуслы хезмәте өчен Разия Зәкиевна күпсанлы Рәхмәт хатлары һәм Мактау грамоталары белән бүләкләнгән. Ул «1941–1945 еллардагы Бөек Ватан сугышында фидакарь хезмәт өчен» медаленә лаек булган. Разия Зәкиевна ике бала тәрбияләп үстергән.

ВКонтакте: Мензелинск news - Мензеля-информ

MAX: Новости Мензелинска - Мензеля онлайн

Одноклассники: ok.ru/menzelinsk

Telegram-канал: Мензелинск news - Мензеля-информ