Минзәлә игенчеләре үсемлекләрне тукландыруны дәвам итәләр

4 июнь 2018 - 10:23 Автор:

Дильфас Галиев

Районыбызда авыл хуҗалыгы үсемлекләрен яклау буенча эшләр бара.

Бүгенге көндә төп эш-чәчүлекләрне чүп үләннәре, төрле авыруларга һәм корткычларга каршы эшкәртү. Үсентеләр әлегә тишелмәгән басуларны һәм уҗымнарны тырмалау эше дәвам итә. Районыбыз хуҗалыкларында барлыгы тишелеп чыкканчы-11000, тишелеп чыккач-6200 гектар чәчүлекләр тырмаланган, корткычларга-6500, авыруларга каршы-7800, чүп үләннәренә каршы-10800 гектар чәчүлекләр эшкәртелгән. Үсемлекләрне яфрак аша һәм тамырдан тукландыру 2500 гектарда башкарылды. Май аенда районыбыз кырларында 12,3 миллиметр, июньдә 2,3 миллиметр яңгыр яуды.