Минзәләлеләр шәһәр мунчасында кайчан ремонт бетәр, дип сорыйлар

6 сентябрь 2022 - 15:17 Автор:

Дильфас Галиев

Шәһәребезнең мунчасы моннан бер ай элек ремонтка ябылган иде. Мунчаның ремонты кайчан төгәлләнәчәк? Мәдинә Фарвазовна Сәхәбиева(Минзәлә авыл хуҗалыгы техникумы ветераны).

Әлеге сорауга шәһәр мунчасы директоры Раиф Хамитов җавап бирде:

Шәһәр мунчасы моннан 4 ел элек капиталь төзекләндерелгән иде. Капиталь төзекләндерүне Алексей Ишеряков җитәкчелегендәге төзелеш оешмасы башкарды. Төзелеш оешмасы безнең мунчага 5 ел гарантия биргән иде. Пар бүлмәсендәге стенадагы такталар кубып төштеләр, хәзер алар урынына кафельләр ябыштырабыз. Ирләр ягындагы пар бүлмәсе эшләнеп бетте, хәзер хатын-кызлар ягындагы пар бүлмәсенең стеналарынакафельләр ябыштырабыз. Тиздән, ягъни 17 нче сентябрь көнне мунча эшли башлаячак.