Минзәлә районында терлек асраучыларга ярдәм быел да күрсәтеләчәк

2022 елда шәхси ярдәмче хуҗалыкларда  савым сыерлары тотучыларга һәм  кәҗәләр асраучыларга, әлеге малларны тотуга киткән өлешчә чыгымнарны каплау максатында 5 537,9 мең сум субсидия бирелгән.

1433 сыер хуҗасы-5 337,9 мең, кәҗә асраучы гаиләләр тулаем 200 мең сум ярдәм алган. Узган ел районыбызда миниферма төзү буенча бер кеше дә катнашмады, быел өч кеше мини ферма төзергә теләк белдергән. Миниферма төзергә җыенучыларга савым сыерлары санын 8гә җиткерүчеләргә - 600 мең сум, 5 баштан киметмәүчеләргә 300 мең сум субсидия биреләчәк. Быел да моңа акча каралган. Бу программалар быел да эшли, аннан файдаланырга гына кирәк.