Минзәлә районында туңга сөрү 68 процентка башкарылды

Туңга сөрелгән җирләрнең 25000 гектары  тирәнтен эшкәртелде. Җир эшкәртүдә “Мензелинские зори” агрофирмасы игенчеләренә тиңнәр юк, алар туңга сөрү эшләрен тәмамлап сөрелгән җирләрне культивацияләп тигезли башладылар. Җирләрне тигезләү киләсе елда зур чәчкечләр белән чәчү өчен кирәк.    Бу агрофирма игенчеләре киләсе ел уңышы өчен 4 мең гектар басуга 51 мең тонна ферментлаштырылган тавык тизәге керттеләр. Алар тагы бер мең гектар мәйданга шулай ук тавык тизәге кертергә җыеналар. Җир эшкәртү буенча “Органик групп” ҖЧҖгә караган хуҗалыкларда эшләүче механизаторларга атна саен көнлек нормасын  үтәгәннәргә хезмәт хакы бирү дә каралган.