Минзәлә районының 8 укучысы мәктәпне алтын медальгә тәмамлады

(Дифиза Нуриева, “Минзәлә-информ”)

2022 елда “Укудагы уңышлары” өчен алтын медален Минзәләдә 8 укучыга тапшырдылар. Әлеге балалар барлык фәннәрне дә яхшы билгеләренә генә үзләштереп, БДИны да югары балларга бирделәр.

Иң күп медалистлар 1 нче урта мәктәптә: А.Рахманова, Д.Дудяк, Э.Гафурова, А.Ардыханова. Башка мәктәпләрдә берәр медалист. 2нче урта мәктәптә – Д.Дяшкина, 3нче урта мәктәптә – Л.Тимергалиева, гимназиядә – А.Мөхәмәдиева, Татар Мөшегесе мәктәбендә А.Саматова.