Минзәләдә “Ел укытучысы " конкурсының муниципаль этабы җиңүчеләрен билгеләделәр

(Минзәлә, Илшат Вагыйзов, "Минзәлә-информ") Минзәлә шәһәре гимназиясе базасында узган 2020-21 елларда Татарстан Республикасында "Россиядә ел укытучысы" Бөтенроссия конкурсының муниципаль этабы тәмамланды.

Конкурста катнашучыларны тәбрикләп, Минзәлә районы башкарма комитеты җитәкчесе урынбасары Нэля Бикеева:

- Бүгенге конкурста катнашкан барлык укытучылар да үз һөнәрләренең чын осталары. Без бүгенге җиңүчеләр зона этабында район данын лаеклы яклар һәм алга таба да үтәрләр дип ышанабыз, дип билгеләп үтте

Аннан соң ул һәм Минзәлә районы мәгариф бүлеге начальнигы Леонид Петраев җиңүчеләрне бүләкләделәр.

"Дебют" номинациясендә 2 нче мәктәпнең рус теле һәм әдәбияты укытучысы Ксения Погорелова җиңде. "Мастер-класс" номинациясендә һәм конкурсның муниципаль этабында 1 нче мәктәпнең физика укытучысы Татьяна Муринова җиңү яулады. Район данын зона этабында шулай ук Николаевка мәктәбенең башлангыч сыйныфлар укытучысы Лидия Фуреева да яклаячак. Шулай ук "Иң яхшы татар теле һәм әдәбияты укытучысы" конкурсының район этабы җиңүчесе дә билгеләнде. Ул - 2 нче мәктәпнең татар теле һәм әдәбияты укытучысы Ландыш Шәмсетдинова. Калган призерларга да сертификатлар һәм дипломнар тапшырылды.