Сайлау участогында гриппка каршы вакцинация дә ясаталар

Дильфас Галиев, 18 сентябрь 2021 - 15:20

487

Шәһәребезнең 2 нче һәм 3 урта мәктәпләренең сайлау участокларында гриппка каршы вакцинация ясатырга була.

Сайлау участогында гриппка каршы вакцинация дә ясаталар

17нче сентябрь көнне 2 нче урта мәктәпнең сайлау участогында 10 кеше гриппка каршы вакцинация ясатты. Ә 18е көнне мәктәптә ЭВМ операторы булып эшләүче Александр Чигвинцев гриппка каршы вакцинация кадатты.
Александр Чигвинцев:
- Гриппка каршы вакцинацияне ясату үземнең, бергә эшләүче хезмәттәшләремнең, мәктәптә укучы балаларның һәм туганнарымның сәламәтлеген кайгырту өчен ясаттым. Мәктәпнең шәфкать туташы Лилия Шәрәфеева яхшылап аңлатты, тән температурасын үлчәде, документны үз кулларым белән тутырдым. Аннары Лилия ханым “Ультракс квадри” дигән вакцинаны кадады. Үземне яхшы хис итәм.