ТР Дәүләт Советы депутаты һәм Минзәлә районы башкарма комитеты җитәкчесе 1 нче урта мәктәптә булдылар

Татарстан Республикасы Дәүләт Советы депутаты Азат Хамаев, Минзәлә районы башкарма комитеты җитәкчесе Марат Кәримов Минзәлә шәһәренең 1 нче урта мәктәбендә булдылар.

Алар профилактика эшен оештыру белән таныштылар, ачык диалог үткәрделәр: балалар белән аларның мәнфәгатьләре, тормыш приоритетлары һәм омтылышлары турында фикер алыштылар.

Депутат һәм башкарма комитет җитәкчесе сыйфатлы белем алуның әһәмиятен, үз тормышыңа һәм киләчәккә җаваплы мөнәсәбәтнең мөһимлеген ассызыкладылар.