Бәйрәм акциясе

Корбан бәйрәме алдыннан район социаль яклау бүлеге хезмәткәрләре шәһәребездә ялгыз яшәүче, аз тәэмин ителгән, аз керемле ятимнәргә, гаиләдә гарип ике бала тәрбияләүче ялгыз аналарга, яшәү минимумыннан түбән пенсия алучы картларга, шулай ук аз тәэмин ителгән күп балалы гаиләләргә бишәр килограмм сыер ите, 38 әр килограмм бәрәңге өләштеләр. 300 кило сыер итен "Заиковский" ҖЧҖ хуҗалыгы җитәкчесе Радик Фәттахов, 50 капчык бәрәңгене "Дәүләтов" КФХсы җитәкчесе Нәсим Дәүләтов китереп бирде. Әлеге акциянең төп инициаторы, оештыручысы район башлыгы Рәсим Садыков булды.