Реклама
Җәмгыять
“Федот табалары”
Николаевка авыл мәдәният йортының "Арлекино" театраль коллективы Габдулла Тукайның тууына 125 ел тулу уңаеннан уздырылган "Иделкәем" балалар һәм яшүсмерләрнең үзешчән театр һәм курчак театры коллективларының республика смотр-конкурсында катнашты.
Быел республиканың төрле район-шәһәрләреннән килгән 50 гә якын коллектив башта үз җирлекләрендә, аннары Мөслимдә узган зона этабында үз осталыкларын күрсәтте. Жюри составында мәртәбәле драматурглар, сәхнә сәнгате буенча белем бирүчеләр, режиссура осталары бар иде.
"Арлекино" балалар театр коллективы (җитәкчеләре - Н.Оврамец, Н.Бубекова) конкурста катнашып башкару осталыгы өчен дипломга, Мөслим район башлыгы бүләгенә ия булды.
"Арлекино" 2004 нчы елда оешты. Коллектив репертуарында - халык әкиятләре, аулак өй җырлары, Яңа ел, Май чабу, көзге бал, Җиңү бәйрәме кебек театраль күренешләр. Коллектив әгъзалары - район Сабантуенда, смотр һәм конкурсларда актив катнашучылар. 2010 нчы елда коллектив яңарды. Узган ел театр коллективларының район смотрында П.Морозовның "Заяц и Волкшебство" әкияте белән II урынга чыктык. Быел исә "Федот табалары" әкиятен әзерләдек.
Иң яшь башкаручылар К.Бубекова һәм К.Сафиуллина әкиятче ролендә булдылар (аларга 8 яшь). Баш рольләр-дә - Василий бабай һәм Маланья әби - апалы-сеңелле Люкиналар: Оля һәм Лиза (12 һәм 14 яшь). Малайлар Т.Әмиров һәм Ж.Данилов(12) Cтароста һәм Егор рольләрен башкарды. Авыл кызлары һәм хатын-кызлары рольләрендә А.Аглиева, И.Леонтьева, О.Перелыгина, К.Кулыгиналар уйнадылар.
Следите за самым важным и интересным в Telegram-каналеТатмедиа
ВКонтакте: Мензелинск news - Мензеля-информ
Telegram-канал: Мензелинск news - Мензеля-информ
Нет комментариев