Кадрәктә өлкәннәрне тәбрикләделәр

(Минзәлә, Дилфас Галиев, "Минзәлә-информ") Бәйрәм тантанасында  авыл җирлегенең  ветераннар советы рәисе Фаяз Камалов катнашты һәм чыгыш ясады. Ул бәйрәмгә килгән авылдашларын  Өлкәннәр көне  белән кайнар тәбрикләде, бәхет, сәламәт тормыш һәм гаилә бәхете теләде. Аннары пенсионерлар сафына баскан ике кешегә махсус бүләк тапшырылды. Өлкәннәр музыкаль кичәдә җырладылар, биеделәр, күңел ачтылар. Музыкаль кичәдә үзешчән сәнгатьтә катнашучылар һәм мәдәният  хезмәткәрләре  чыгыш ясап  авылдашларын таң калдырдылар. Әлеге бәйрәмне авыл җирлеге һәм мәдәният йорты хезмәткәрләре оештырды.