Театр елының Минзәлә театрына да йогынтысы сизелсен, диде ТР Премьер-министр урынбасары Васил Шәйхразиев

Флура Мусина, 8 февраль 2019 - 17:35

864

Минзәлә район Советы сессиясе алдыннан ТР Премьер-министр урынбасары Васил Шәйхразиев белән ТР Дәүләт Советы депутаты, ТР Халыклар Дуслыгы йорты директоры Ирек Шәриповны, ТР җир һәм милек мөнәсәбәтләре министры Азат Хамаевны, район башлыгы Айдар Салаховны театр бинасында Татарстан халыклар ассамблеясенең Минзәлә районындагы вәкиллеге әгъзалары чәк-чәк һәм каравай белән каршы алдылар.

Театр елының Минзәлә театрына да йогынтысы сизелсен, диде ТР Премьер-министр урынбасары Васил Шәйхразиев

Биредә Минзәлә театры артистлары кунакларга заманында ана телебезне, гореф-гадәтләребезне саклауп калуда төп ышанылы көч булыйк, киләчәгебез үсешенә зур өлеш кертик дип иҗат иткән “Сәяр” труппасының иҗатын чагылдырган күренеш күрсәттеләр. ТР Премьер-министр урынбасары Васил Шәйхразиев артистлар белән әңгәмә куертып алды, 2019 елның Россиядә театр елы булуын искәртеп узды.
–Театр елында коллективка уңышлар юлдаш булсын.. Һәм, әлбәттә, хөкүмәтебез җитәкчелеге тарафыннан театрның эшчәнлегенә генә түгел, аларның матди-техник базасы турында да кайгыртучанлык күрсәтелсен иде, дигән теләген белдерде.