Айдар Салахов һәм Азат Хамаев сайлауга шәһәрдәге участокка килделәр

(Илдус Шаһиев, "Минзәлә-информ")
Биредә, башка сайлау участокларындагы кебек, Ковидтан саклану өчен барлык чаралар күрелгән. Комиссия әгъзалары белән аралашкач Айдар Салахов һәм Азат Хамаев бюллетеньнәр белән кабинкага керделәр һәм урналарга салдылар.
Айдар Салахов, Минзәлә район башлыгы:
- Якташларымның сайлауга актив килүенә без бик шат. Сайлауларның тыныч үтүе минзәләлеләрнең үз хокукларын аңлап башкаруын күрсәтеп тора. Ил программаларында актив катнашып, шәһәрдә, авылларда төзелеш, төзекләндерү эшләре киң колач белән бара. Матурлыкның, уңайлыкларның артуы һәрберебезнең күз алдында. Депутатларның яңа составы да позитив үзгәрешләрнең дәвам итүенә үз өлешләрен кертәчәкләренә ышаныч зур.
Юл уңаенда Айдар Салахов Азат Хамаевны район тормышында зур роль уйнаган шәхесләрнең фотолары куелган галерия белән таныштырды.