Иркәнәш җирлегенең иң өлкән сайлаучысы Гаян Хәмидуллина өендә тавыш бирде

Илшат Вагыйзов, "Минзәлә-информ"
Минзәлә районы Иркәнәш җирлегенең иң өлкән сайлаучысы Гаян Хәмидуллина өендә тавыш бирде. 96 яшьлек Гаян апа бүген Яту авылында балалары Илгизәр һәм Илүзә Камаловлар тәрбиясендә яши.
Бөтен гомерен намуслы хезмәткә багышлаган Гаян апа:
- Дөньяларыбыз имин-тыныч, өстәлләребездә муллык булсын, балалар, оныклар бәрәкәтле тормыш белән яшәсеннәр, - дигән якты теләкләр теләп РФ Дәүләт Думасына депутатлар сайлауда катнашты.