Минзәлә районы басуларында кыр эшләре тулы куәтенә башланып китте

Район хуҗалыкларында уҗым культураларын өстәмә тукландыру тәмамланды. Дым каплату 72 процентка башкарылган. Район буенча иртә сабан культуралары чәчү 9,6 процент тәшкил итә. Район буенча арпа-851, сабан бодае-801гектарда чәчелде. «Туган як» агрофирмасы сабан бодае чәчү планын 95 процентка үтәде. Районыбызның фермер хуҗалыклары әлегә иртә сабан культураларын чәчүгә керешмәделәр. 

«Август-Мензелинск» игенчеләре 2449 гектарда рапс чәчеп экватор сызыгын үтте. «Заиковский» ҖЧҖ 200 гектарда көнбагыш чәчүне тәмамлады. «Калморза» хуҗалыгы 380 гектарда көнбагыш чәчте.