Минзәләнең сайлау участокларында гриппка каршы вакцинация ясала

(Дифиза Нуриева, “Минзәлә-информ”)

Хастаханә, 2 нче һәм 3 нче мәктәп биналарында урнашкан сайлау участокларында район хастаханәсе табиблары төркемнәре эшли инде, аларда йөзәр доза вакцина бар. Хастаханәдә теләгән кешеләр ковидка каршы да вакцинация ясата алалар. Гриппка каршы прививка авылларда да ясалачак. Кайсы авылларда бар икәнен соңрак хәбәр итәрбез. Прививка ясату сайлау участоклары эш сәгате кебек иртәнге 8.00 дән кичке 20.00 га чаклы булачак.

Ләйлә Нуртдинова, хастаханәнең баш шәфкать туташы:

–Без эшебезнең бу формасын райондашлардан ишеткән тәкъдимнән соң кулланырга булдык. Гриппка каршы прививка ясату үзебезнең сәламәтлегебезне кайгырту дигән сүз.