Яшибез шулай бергәләп бик матур һәм бик тату

Алсу Ханова, 3нче урта мәктәпнең 4нче сыйныф укучысы

Минем гаиләм

Әти, әни, әбекәй,

Сеңлем - Адилә, мин - Алсу.

Яшибез шулай бергәләп

Бик матур һәм бик тату.

Песиебез дә бар әле,

Исемнәре Ак тәпи,

Яман гадәтләре дә бар,

Ә кайчакта бик тәти.

Бик күңелле шул чагында

Ул сикерә - мин чабам,

Йоклаганда мыр-мыр килә

Шул гадәте бик яман.

Сеңлем Адиләне кайчак

Битен тырнап елата

Ул бит сине сыйпый гына,

Елама, дип юатам.

Әбекәй әйтә: "Без яшь чакта

Песи өйдә ятмады,

Азык эзләп үзенә

Чолан янын "саклады".

Күселәргә, тычканнарга

Һич тынгылык булмады,

Сирәк-мирәк кенә алар

Чоланнан май урлады.

Әнием әйтә, дөнья хәзер

Танымаслык үзгәрде:

Песи китекит ашарга

Бүген кашык эзләде.

Мин аларның сүзен тыңлыйм

Хәйран калып, шаккатып.

Песи телевизор карый

Ак тәпиенә таянып.