«Минзәлә» газетасының 13 сентябрь, 2024 ел санының анонсы

ТР Дәүләт Советына депутатлар сайлауларның ничек узуы һәм җирле үзидарә депутатларын өстәмә сайлаулар нәтиҗәләре белән 2-3 биттә танышырга мөмкин.

Кадет интернат-мәктәбе Минзәлә районында үсеп килүче буынны патриотик тәрбияләү үзәкләреннән берсе булып тора — 4 бит.

«Тын ау» ны яратучы Мәлкән авылында яшәүче Гөлчәчәк Шишкина үзенең мавыгуы турында сөйли һәм гөмбәләрне маринадлау рецепты белән уртаклаша — 5 бит.

Ә матурлыкка гашыйк булган Николаевка авылы кешеләре Чекардовлар ел саен йорт яны участогында күз явын алырлык чәчәкләр үстерәләр — бу хакта шулай ук 5 нче биттә укырга мөмкин.

Яңа уку елын Минзәлә балалар сәнгать мәктәбенең сәнгать бүлеге укучылары яңа бинада каршы алдылар — 8 бит.

Республика яңалыклары белән «Атна вакыйгалары» кушымтасы таныштыра.