«Минзәлә»-«Мензеля» газетасының 2022 елның 28 октябре саны анонсы

(Дифиза Нуриева, “Минзәлә-информ”)

Иске Мәлкән авылында яшәүче Гөлчәчәк Шишкина җиләк һәм гөмбә җыеп өстәмә керем ала. Быел нинди гөмбәләр җыйган, аларны ничә сумга саткан – болар хакында 2нче биттә.

Күпләр ришвәт алган кеше генә түгел, тәкъдим итүченең дә җинаять кылуын оныта. Моның өчен нинди җаваплылык каралган? Бу һәм башка коррупция белән бәйле сорауларга җавапны 3 нче биттәге район башлыгы ярдәмчесе Марк Токарев белән әңгәмәдән табарга мөмкин.

Минзәлә шәһәр Советы сессиясендә шәһәр башкарма комитеты җитәкчесе билгеләнде. Әлеге вазифаны кем башкаруын беләсегез килсә, 3нче биткә күз салыгыз.

Ә сез Минзәләдә скрипкага өйрәтү дәресләре барлыгын белә идегезме? Әйе, әлеге музыкаль инструментта уйнарга балаларны ТРның атказанган мәдәният хезмәткәре Тәскирә Гиляҗева укыта. Кызыксындыгызмы? Бу хакта тулырак 5 нче биттә.

Инсульт булмасын өчен ниләр эшләргә? Төп кагыйдәләр – «Атна вакыйгалары” кушымтасында.