«Минзәлә»-«Мензеля» газетасының 8 декабрь 2023 саны анонсы

Районда инвалидлар декадасы кысаларында чаралар үткәрелү дәвам итә. Мөмкинлекләре чикле кешеләр һәм аларның якыннары үзләренең ничек яшәүләре турында утртаклаштылар — бу хакта 2 һәм 6 биттә укырга була. 

Минзәләдә Гөлшат Зәйнашева истәлегенә үткәрелгән фестивальнең гала-концертында популяр җырчылар Зәйнәп Фәхретдинова, Асаф Вәлиев, Гөлнара Тимерҗанова да катнашты − 2 бит.

Һәвәскәр тарихчы Геннадий Семенов күренекле якташларыбыз белән таныштыруны дәвам итә. Алар арасында: РСФСР ның атказанган юристы, СССР Юстиция министрының беренче урынбасары, Россия адвокатлары гильдиясен булдыру инициаторы Михаил Вышинский, Себернең беренче нейрохирургы Михаил Пономарев, күренекле тел белгече, этнограф Калинник Шейковский. Алар хакында 3 биттә укырга була.

«Умырзая» тернәкләндерү үзәге коллективы Мәскәүдә «Россия» Халыкара күргәзмә-форумы кысаларында мастер-класс күрсәтте — 4 бит.

Районда иң яхшы Яңа ел бизәлешенә конкурс игълан ителде. Аның шартлары һәм кемнәр катнаша алуы турында 8 биттә укырга була.