Укымышсызлыкның чигенә җитмәдек әле

(Илдус Шаһиев, Минзәлә-информ)

Без бу хакта күптән язып киләбез. Чөнки бу саннарны район газетасына яздыру мисалында күрәбез. Россия почтасының мәгълүматларыннан күренгәнчә, башка басмаларга яздыру да ким икән. 

Ә бәлки язылучылар кимегәндер?! Димәк, районда укырга теләүчеләр азая башлагандыр?! Кыскасы, уйланырга урын бар!
Ә саннар түбәндәгечә — Татарстанның 11 районнындагы кебек Минзәләдә 1000 кешегә 300 данә генә газета-журналларга язылганнар. Чагыштыру өчен — 2026 елның беренче яртысына Әлки районында мең кешегә 600, ә Актанышта 588 газета-журналларга язылган.

"ТАТМЕДИА"ның Минзәлә филиалы коллективы газета-журналлар укырга тилмермәсен өчен барлык чараларны да күрә. 
"Кырык тартма«халыкка хезмәт күрсәтү үзәгендә район газетасына гына түгел, «ТАТМЕДИА» чыгарган башка басмаларга да яздыра.