Үзмәшгульләргә пенсия кирәкме?

Ильшат Вагизов, 4 июль 2024 - 14:05

Татарстанда үзмәшгульлек белән шөгыльләнүче 8 360 кеше булачак пенсияләрен формалаштыру өчен иминият кертемнәре түли.

Районыбызда бүгенге көндә 1872 үзмәшгуль исәпләнә, әмма аларның берсе дә Социаль фонд белән пенсия туплау турында килешү төземәгән.

Бүгенге кануннар нигезендә, үзмәшгульләр мәҗбүри рәвештә пенсия иминиятләштерүенә кертемнәрен түләргә тиеш түгелләр, ә үзмәшгуль сыйфатында эшләү чорлары пенсия исәпләгәндә исәпкә алынмый. Киләчәктә пенсия алыр өчен аларга нәрсә эшләргә кирәк соң?