Аю мәктәбе балалар театр коллективына диплом кайтты

(Минзәлә, Илшат Вагыйзов, “Минзәлә-информ”) Рәмзис Каһиров исемендәге Аю мәктәбенең “Тамчы” балалар театры коллективына “Таткультресурсцентр” дәүләт бюджет учреждениесы исеменнән диплом кайтты.

Роза Гыйлфанова, Аю мәдәният йорты директоры:

- Бу – Аю мәктәбе укучылары, спектакльнең режиссеры – мәктәпнең тәрбия эшләре буенча директор урынбасары Эльвира Фаррахованың зур уңышы.Бөек Җиңүнең 75 еллыгы уңаеннан алар мәктәбе Шәриф Хөсәеновның “Егерме ел үткәч” драмасын сәхнәләштерделәр.
Узган ел әлеге спектакль белән «Иделкәем & Кариев варислары» балалар һәм яшүсмерләр театр коллективларының төбәкара фестивалендә катнаштылар, дипломант булдылар. Дипломнары яңа гына кайтып җитте.

Спектакльне укучылар зур уңыш белән авылдашларына да күрсәткән булганнар.