«Ялкын» журналы призына ярышта Минзәлә көрәшчеләре бер призлы урын яуладылар

Илшат Вагыйзов, «Минзәлә-информ»

Минзәлә районы көрәшчеләре командасы «Ялкын» журналы призларына көрәш буенча Татарстан Республикасы беренчелегендә катнашты.

Әлеге ярышта 75 килограмм авырлык үлчәмендә Динар Латыпов 3 нче урын яулады.

2008-2009 елларда туган яшүсмерләр арасында үткәрелгән турнирда район данын яклап барлыгы 9 спортчы көрәште. Алар барысы да Рәмзил Бәдриев кул астында «Минзәлә батыры» көрәш залында шөгыльләнәләр.