Югары Юшадыда балаларны судагы үз-үзеңне тоту кагыйдәләре белән таныштырдылар

Югары Юшады авыл китапханәсе балалар белән «Суда сак булыгыз» дигән куркынычсызлык сәгате үткәрде.

Чара балаларның суда үз-үзләрен тотышы, бәхетсезлек очракларын кисәтү мәсьәләләренә багышланган иде. Оештыручылар балалар белән суда куркынычсызлык кагыйдәләре турында сөйләштеләр, су янында ял иткәндә саклык чараларын искә төшерделәр. Шулай ук балаларга рөхсәт ителгән урыннарда һәм өлкәннәр белән бергә генә коенырга мөмкинлеген, суда шаярырга, таныш булмаган урында суга чумарга һәм сикерергә ярамаганлыгын аңлаттылар. Чара азагында балаларга җәйге каникуллары бәхетле булуын теләделәр.