Кадрәктә балаларга авыл тормышы турында сөйләделәр

Кадрәк авыл китапханәсендә авыл тормышына багышланган танып белү сәгате үткәрелде. Чара «Авыл яши. Деревня живёт» проекты кысаларында оештырылды. Балалар ашлык чәчүдән алып тәмле ипи салуга кадәр процесслары белән танышып, өстәлләргә икмәкнең ничек килүе турында белделәр. Алар шулай ук фермада яшәүче терлекләр белән таныштылар һәм аларның хуҗалыкта һәм авыл гаиләсенең көндәлек тормышында нинди роль уйнауларын белделәр.

Балалар шулай ук авыл тормышына кагылышлы мәкальләр белән таныштылар, табышмакларга җавап бирделәр һәм кроссворд чиштеләр.