Камилла Яруллина һәм Мәрьям Сәхапова Сочидан призер булып кайттылар

Илшат Вагыйзов, «Минзәлә-информ»
Сочида «Черноморье» спорт аэробикасы буенча Бөтенроссия ярышлары узды.

Минзәләнең «Юбилейный» спорт мәктәбе спорт аэробикасы бүлекчәсе тәрбияләнүчеләре Камилла Яруллина, Мәрьям Сәхапова әлеге ярышларда Татарстан җыелма командасы составында чыгыш ясадылар һәм 2 нче урын яуладылар.

— Кызларны, аларның тренерлары Лилия Яруллина һәм Светлана Шәрипованы шушындый югары нәтиҗәләре белән котлыйбыз! Горурланабыз!, — дип хәбәр итәләр «Юбилейный» спорт мәктәбеннән.

Фото Спортивная школа "Юбилейный" ВК сәхифәсеннән