Казандагы хезмәттәшебез — яшь журналист Юлай Низаев үзенең фотокүргәзмәсен оештырды

Бүгенге көндә Юлай Низаев Татарстан Фотографлар берлеге әгъзасы, «Татар-информ» мәгълүмат агентлыгы һәм «Интертат» электрон газетасы журналисты. 29 май көнне ул ТР Фотографлар берлеге офисында «Чәчү барышы һәм авыл объективта» дип аталган мини-фотокүргәзмәнең презентациясен уздырды. 

—Әлеге мини-фотокүргәзмә игенчеләрнең һәм авыл хезмәтчәннәренең фидакарь хезмәтенә багышлана. Аларның хезмәт сөючәнлеген һәм рекордлы уңышка омтылуларын данлый. Тәкъдим ителгән фотосурәтләр — төрле елларда ясалды. Командировкалар вакытында авыл хуҗалыгы үсеше һәм проблемалары темаларын яктыртып, үзләрен авылга һәм туган җиргә багышлаган ватандашларымның хезмәтен фотолар аша тарих битләренә теркәргә тырышам, — ди Юлай күргәзмәсе хакында.