Минзәлә авыл хуҗалыгы техникумы студентлары чит илләр буйлап интеллектуаль сәяхәт ясадылар

Минзәлә авыл хуҗалыгы техникумының 2 курс студентлары районның үзәк китапханәсендә узган «Илләр буйлап сәяхәт» интеллектуаль-танып белү уенда катнаштылар. 

— Уенда катнашучылар төрле илләрнең истәлекле урыннары, мәдәниятләрее һәм гореф-гадәтләре белән таныштылар. Шулай ук балаларны төрле сынаулар көтте, анда алар үзләренең белемнәрен һәм тапкырлыкларын күрсәттеләр, — дип хәбәр иттеләр әлеге чараны үткәргән китапханә хезмәткәрләре Римма Әхмәтханова һәм Гөлназ Шакирова.