Минзәлә авыл хуҗалыгы техникумы студентлары китапханәчеләр белән чит илләрдә сәяхәт иттеләр

28 май көнне үзәк китапханә хезмәткәрләре «Пушкин картасы» проекты буенча авыл хуҗалыгы техникумы студентлары өчен «Илләр буйлап сәяхәт» исемле интеллектуаль уен үткәрделәр.

Уенда катнашучылар төрле илләрнен истәлекле урыннары, традицияләре белән таныштылар. Шулай ук катнашучыларны чылбыр буенча төзелгән төрле сынаулар көтә иде: беренче бирем «Сүзне язып бетер», икенче «Табышмаклар», өченче «Сүрәтне бел», дүртенче «Дөнья халыкларының гореф-гадәтләре», бишенче «Барлык товарлар да яхшы — тәмлесен сайла», алтынчы «Элеккеге осталарның серләре», җиденче «Кем тизрәк спагетти ашый?», сигезенче «Дөнья символын күрсәт», тугызынчы «Маскарад», унынчы «Көлкеле табышмаклар».