Минзәлә боксчылары төбәкара турнирда беренче урыннарны яуладылар

Баулы шәһәрендә Кыш Бабай призына бокс буенча төбәкара ярышлар узды. Минзәләне «Олимп» спорт мәктәбенең бокс бүлеге тәрбияләнүчеләре тәкъдим итте.

— Безнең дүрт егетебез дә: Родион Волков (Коноваловка урта гомуми белем бирү мәктәбе), Вильдан Вафин (1 нче урта гомуми белем бирү мәктәбе), Ашот Микаелян (3 нче урта гомуми белем бирү мәктәбе), Егор Әхмәтҗанов (3 нче урта гомуми белем бирү мәктәбе) рингта яхшы чыгыш ясадылар һәм беренче урыннарны яуладылар,-дип хәбәр итте «Минзәлә-информ» га аларның тренеры Булат Кәримов.