Минзәлә герчеләре Биккениев истәлегенә республика ярышларында катнаштылар

«Олимп» спорт мәктәбенең гер бүлеге тәрбияләнүчеләре СССР спорт мастеры Т. Г. Биккениев истәлегенә гер спорты буенча ачык республика ярышларында катнаштылар.

Турнир Биектау районының «Биектау» спорт комплексында узды. Ярышларда республика шәһәрләреннән һәм районнарыннан, Мәскәү, Самара, Чебоксар, Киров, ХМАО, Төмән, Хакасия, шулай ук якын чит илләрдән: Казахстан, Кыргызстан, Үзбәкстан, Белоруссиядән 170тән артык спортчы катнашты. 

Безнең егетләр, «Олимп» спорт мәктәбендә тәрбияләнүчеләр, әлеге ярышларда лаеклы чыгыш ясадылар. 

Егетләр арасында 58 кг га кадәр категориядә Ринал Нәфыйков 4 нче урынны алды. Дамир Зарипов 63 килограммга кадәр, шулай ук пьедесталга бер адымда калды. Аңа призлы өчлеккә керү өчен герне 2 тапкыр күтәрү җитми калды. Арсений Лесков 68 кг кадәр категориядә алтынчы урын алды.