Минзәлә йөзүчеләре Лениногорскида медальләрнең тулы комплектын оттылар

Минзәлә шәһәренең «Юбилейный» спорт мәктәбе командасы (тренеры Каюмов Н. Ф.) Лениногорск шәһәрендә «Юбилейный» бассейны Кубогы йөзү ярышларында катнашты.

«Юбилейный» спорт мәктәбендә тәрбияләнүчеләр түбәндәге урыннарны алдылар: Ангелина Кудряшова — 1 урын; Павел Ушаков — 1 урын; Алексей Муринов — 1 урын; Софья Каюмова — 2 урын;
Павел Первак — 3 урын; Дамир Ломохин — 3 урын.

4×50 м эстафетасында (комплекслы йөзү) Дмитрий Шарапов, Алексей Муринов, Әмир Зайкин, Ленар Хәмитов шулай ук 1 урынны алдылар. 

Ярышларда Зәй, Бөгелмә, Кама Аланы, Яр Чаллы, Лениногорск, Җәлил кебек шәһәр һәм бистәләрдән барлыгы 30 команда (200 кеше) катнашты.