Минзәлә районының 1 нче урта мәктәп һәм гимназия шахматчылары Бөтенроссия ярышларының республика этапларында катнашачак

«Минзәлә — шахмат территориясе» клубында Минзәлә районының гомуми белем бирү оешмалары арасында «Шахмат кыры-2026/ «Ак көймә-2026» Бөтенроссия турнирының муниципаль этабы узды.

Команда зачетында 1 нче урынны 1 нче урта мәктәп командасы алды (Даниил Чуркин, Самир Зәйнуллин, Ислам Минһаҗев, София Жирнова; тренер-педагог Ф.В. Ситдыйков).

2 нче урында 3 нче урта мәктәп (Ильяс Искәндәров, Ярослав Выборнов, Алан Бакиров, Ләйлә Искәндәрова; тренер-педагог Н.Н. Галләмова).

3 нче урында 2 нче урта мәктәп (Әмир Талипов, Марк Насыйров, Илназ Закиров, Софья Логинова; тренер-педагог З.Р. Вәлиуллина).

Шулай ук шәхси зачетта җиңүчеләр билгеләнде.

1 нче урта мәктәпнең җыелма командасы «Шахмат кыры-2026» ярышларының республика этабында катнашачак. «Дебют» турнирының республика этабына районнан гимназия командасы барачак.

Фотосурәтләр «Минзәлә — Шахмат территориясе» шахмат клубы сайтыннан.