Минзәлә спортчылары Тукай районы беренчелегендә уңышлы чыгыш ясадылар

Минзәлә шәһәренең «Олимп» спорт мәктәбе тәрбияләнүчеләре өстәл теннисы буенча Тукай районының ачык беренчелегендә катнаштылар. Ярышлар Балаларны яклау көненә багышланган иде. 

— Амелия Ситдыйкова барлык яшьтәге кызлар арасында абсолют чемпион булып калды. Безнең команданың берьюлы өч катнашучысы — Нестор Калашников (2010-2012 елларда туучылар арасында катнашты), Екатерина Ханипова (2012-2013), Эльдан Фәхретдинов (2014 һәм кечерәкләр) 1 урыннар яуладылар. Тагын бер спортчыбыз, Элина Фәхретдинова (2012-2013), 2 урынга лаек булды, — дип хәбәр итте «Минзәлә-информ» га өстәл теннисы бүлеге тренеры Олег Ситдиков.