Минзәләдә баскетбол буенча Бөтенроссия чемпионатының муниципаль этабы узды

ГТО комплексын һәм баскетболны популярлаштыру, шулай ук сәламәт яшәү рәвешен пропагандалау максатларында, Минзәлә шәһәренең Балалар иҗаты йорты оештыруы һәм ярдәме белән 7-8 ноябрь көннәрендә 1 нче урта мәктәп базасында 2024-2025 елгы сезонның «КЭС-БАСКЕТ» Бөтенроссия мәктәп баскетбол лигасы Чемпионатының муниципаль этабы узды.

— Яшүсмерләр арасында 1 нче урынны — 3 нче мәктәп, 2 нче урынны — 1 нче мәктәп, 3 нче урынны — 2 нче мәктәп яулады. Кызлар арасында 1нче урынга Хуҗәмәт урта мәктәбе, 2нче урынга Калтак урта мәктәбе, 3нче урынга 3нче мәктәп чыкты. Җиңүче командалар 12 һәм 13 декабрьдә Алабуга шәһәрендә узачак ярышларның төбәк этабында район данын яклаячак, — дип хәбәр итте «Минзәлә-информ» га Балалар иҗат йортының өстәмә белем бирү буенча директор урынбасары Ренат Талипов.