Минзәләдә Бөек Җиңүнең 79 еллыгына багышланган волейбол турниры узды

«Юбилейный» спорт мәктәбенең спорт залында 1941-1945 елларда Бөек Ватан сугышында Җиңүнең 79 еллыгына багышланган волейбол буенча Беренчелек узды. Анда шәһәр урта гомуми белем бирү мәктәпләре һәм урта уку йортларының җыелма командалары катнашты.

Ярышларда 4 команда катнашты: М. Җәлил исемендәге Минзәлә педагогика көллияте, Минзәлә авыл хуҗалыгы техникумы, 2 нче урта гомуми белем бирү мәктәбе, «Юбилейный» спорт мәктәбе. 

Урыннар түбәндәгечә бүленгән:
1 урынны МПК командасы алды;
2 урын — 2 нче урта гомуми белем бирү мәктәбе;
3 урын — «Юбилейный» спорт мәктәбе.