Минзәләдә «Милләт кроссы − 2024» булачак

21 сентябрьдә Минзәләдә «Милләт кроссы — 2024» Бөтенроссия йөгерү көне кысаларында ярышлар узачак. Кросс Ленин исемендәге Үзәк стадионда булачак. Башлана — 10.00 сәгатьтә. 

Нигезләмә буенча, 2014 елда туган һәм аннан кечерәк малайлар һәм кызлар 1000 метр йөгерәчәк, 2010-2013, 2007-2009 елгы егетләр һәм кызлар, 2006 елда туган һәм аннан өлкәнрәк ир-атлар һәм хатын-кызлар өчен дистанция 1300 метр тәшкил итәчәк.

Шулай ук гаилә эстафетасы да булачак: әти-әниләр 500 метр, ә балалар (5 яшьтән өлкәнрәк) 100 метр йөгерәчәк.