Минзәләдә студентлар белән экстремизмга каршы тематика буенча түгәрәк өстәл уздырдылар

Минзәлә урта-махсус уку йортларында укучылар өчен «Яшьләр арасында экстремизм идеологиясен таратуны профилактикалау» темасына түгәрәк өстәл оештырылды.

Түгәрәк өстәлдә катнашучы Минзәлә районы башлыгы ярдәмчесе Марк Токарев егетләрне һәм кызларны террорчылыкка каршы куркынычсызлык кагыйдәләре белән таныштырды

— Әңгәмә азагында түбәндәге нәтиҗә ясалды террорчылыкка каршы нәтиҗәле көрәштә хокук саклау органнары һәм махсус хезмәтләр чаралары белән беррәттән, безнең һәрберебезнең терактларга каршы тора, шушы куркыныч шартларында үзебезне дөрес тота белүе мөһим фактор булып тора, — дип хәбәр итәләр «Ялкын» яшьләр үзәгендә.