Минзәләлеләр “МедиаПокорение – 2015”тә җиңделәр

VI Бөтен Рәсәй күләмендә балалар һәм яшьләр матбугаты фестивалендә гимназия укучылары чыгара торган "Яшьлек" гәҗите редакциясе (баш мөхәррир - Чулпан Шәрипова; әдәби консультант-Гүзәл Заһриева; бүлек мөхәррирләре - Сәрия Биҗанова, Зилә Шәрәфиева, Алия Закирова; хәбәрчеләр- Гайниева Регина, Шарифуллина Рузилә, Хәбирова Наилә, Низамова Сөмбел, Әкбәрова Лилия) "Иң яхшы татар мәктәп гәҗите" номинациясендә III урын яулады. Фестивальга 260 гариза кабул ителгән иде. Кунаклар Самара, Воронеж, Якутия, Череповецк һ. б. шәһәрләрдән килгәннәр. Яшь хәбәрчеләр бушка мастер-классларда катнаштылар, бик күп яңа мәгълүмат алдылар.

Татмедианың "Минзәлә" мәгълүмәт-мөхәррият үзәге яшь хәбәрчеләрне чын куңелдән җиңүләре белән котлый. Киләчәктә дә һәрвакыт һәм һәркайда киңәшләре белән ярдәм итәргә эзер торуын белдерә.