«Олимпиец» та ял итүчеләр ГТО тапшырдылар һәм призлар алдылар

Илшат Вагыйзов, «Минзәлә-информ»

«Олимпиец» шәһәр читендәге спорт-сәламәтләндерү лагеренда 3 сменада ял итүче 75 бала «Хезмәткә һәм оборонага әзер» (ГТО) ВФСК нормативларын үтәде. 

— Балалар бик күп булганлыктан, нормативларны тапшыру 2 көн дәвам итте. Иң яхшы нәтиҗәләргә ирешкән балалар грамоталар һәм бүләкләр алдылар. «Олимпиец» ЗСОЛ администрациясенә, тәрбиячеләренә, тренерларына безгә ярдәм иткәннәре һәм үсеп килүче буынга спорт тәрбиясе биргәннәре өчен зур рәхмәт белдерәсем килә, — дип хәбәр итте «Минзәлә-информ» га Минзәлә районында ГТО буенча белгеч Дарья Липина.