"Умырзая" тернәкләндерү үзәгендә Кыш бабай туган көнен билгеләп үттеләр

(Минзәлә, "Минзәлә-информ") Менә "Умырзая” мөмкинлекләре чикле балалар һәм яшүсмерләр өчен тернәкләндерү үзәгендә дә “Кыш Бабайның туган көне” дип исемләнгән танып-белү чарасы узды. Тәрбияче Ольга Дронова балаларга Кыш Бабайның Бөек Устюгта яшәве, аның әкияти резиденциясенә виртуаль сәяхәткә чакыруы турында сөйләде. Шулай ук балалар кышкы тематикага багышланган "Кышкы табышмаклар" конкурсында һәм әдәби - интерактив викторинада катнаштылар. Чара ахырында балалар «Яхшы Кыш Бабай»дигән күмәк кул эшләре ясадылар.