Тауасты Байлар авыл җирлегендә тыл ветераннарын котладылар

Минзәлә районы Тауасты Байлар авыл җирлеге башлыгы Зөлфия Гәрәева мәдният хезмәткәрләре белән берлектә тыл ветераннарын якынлашып килүче 9 Май бәйрәме белән котлады.

— Мөхтәрәм шәхесләребез, тыл ветераннары Шәмсия Латфуллина, Нәҗибә Гимадеева, Әлфия Заляева, Клара Исламова, Энҗе Шәйхетдинова, Наҗия Вәлиәхмәтовага республика, район җитәкчелеге исеменнән бүләкләр тапшырдык. Һәрберсенең хәлен белеп, аралашып, иң җылы теләкләребезне җиткердек, — дип хәбәр итте «Минзәлә-информ» га Зөлфия Гәрәева.