Ел башында Наратлы-Кичүдә йорт янды

3 гыйнвар көнне Минзәлә районы Наратлы-Кичү авылында бер катлы 100 кв.м мәйдандагы йортта янгын чыкты. Янгын сүндерүдә РСЧС тан 15 кеше, 8 берәмлек техника, шул исәптән МЧС тан 9 кеше һәм 4 берәмлек техника катнашты. 

Янгын нәтиҗәсендә йорт янды, үлүчеләр һәм зыян күрүчеләр юк. Милеккә якынча 1 млн сумлык зыян килде.

Илнар Вәлиев, Наратлы-Кичү авыл җирлеге башлыгы:

— Авылдашларыбызга кичергән кайгыларын хәлләребездән килгәнчә җиңеләйтергә тырышабыз. Зыян күрүче Зульмиевлар гаиләсенә яшәп тору урыны таптык. Ярдәм өчен акча җыярга счет күрсәтелде: 89063339902 номерына теркәлгән карта, Никишин Антон Юрьевич (Нина ханым Зульмиеваның улы).

Кышкы салкыннарда янгыннар килеп чыгуны булдырмас өчен, түбәндәге кагыйдәләрне истә тотарга кирәк.