«Яшь оста» чемпионатның төбәк этабында нәни минзәләлеләр 18 беренче урынга лаек булдылар

14-16 март көннәрендә «Яшь оста — 2025» чемпионатының VI төбәк этабы узды. Чемпионатта районның балалар бакчаларыннан һәм мәктәпләреннән 18 компетенция буенча 5-7, 8-9, 10-11 яшьлекләр арасында 75 бала катнашты. 

Чемпионатка шәһәрнең барлык мәгариф учреждениеләре һәм мәктәпләре җәлеп ителде. Нәтиҗәдә, Минзәлә районы балалары 18 беренче урынга, 7 икенче урынга, 14 өченче урынга лаек булдлар. 24 номинация яуладылар. 

1 һәм 2 нче урыннарны алучы яшь осталар чемпионатының төбәкара этабында ярышачаклар, ул инде бик тиздән, 28-30 мартта узачак. Барлык җиңүчеләрне һәм призерларны котлыйбыз, ә аларның остазларына яхшы әзерлек өчен рәхмәт белдерәбез. 

Безнең районда әлеге конкурсның төп координаторлары һәм оештыручылары булып Муса Җәлил исемендәге Минзәлә педагогика көллияте (кураторы — мәгълүматлаштыру буенча директор урынбасары Анджела Фазлыева) һәм Минзәлә районының мәгариф бүлеге (җаваплы — Ләйсән Лобанова) тора.

Материал Анджела Фазлыева ярдәме белән әзерләнде.