Игорь Ковальчукны Татарстанда бадминтон үсешенә керткән өлеше өчен бүләкләделәр

Казанда «Татарстанның бадминтон өметләре» ярышлары уза. Ачылу тантанасында Минзәлә шәһәренең «Юность» спорт мәктәбе тренер-укытучысы Игорь Ковальчук Рәхмәт хаты алды. Тренерны республикада бадминтон үсешенә керткән зур өлеше өчен билгеләп үттеләр. 

— Турнирда Кира Юдина, Әмир Ардыханов, Тимур Сәхабетдинов, Ярослав Уржумов, Демид Харисов, Илона Букун, Елизавета Исаева катнаша. Алар бер атна элек Алабугада сайлап алу аша үткән иделәр. Әмир «Б» дивизионында 2 нче урынны алды, — дип хәбәр итте «Минзәлә-информ» га беренче көне нәтиҗәләрен Игорь Ковальчук. 

Якшәмбе уеннары йомгаклары буенча турнирның ахыргы нәтиҗәләрен соңрак хәбәр итәрбез, безнең яңалыкларны күзәтеп барыгыз.