Махсус хәрби операциядә вафат булган герой Илья Зәйнетдиновның улы туды

(Дифиза Нуриева, «Минзәлә-информ»)

Нарасый Раштуа алдыннан, ягъни 6 гыйнвар көнне Яр Чаллы бала тудыру йортында дөньяга аваз сала. Һәм бүген кечкенә Михаил өенә кайтты. Геройның улын тантаналы шартларда туганнары, әтисенең хәрби  хезмәттәшләре белән бергә район башкарма комитеты җитәкчесе урынбасары Нэля Бикеева, «Ялкын» яшьләр үзәге директоры Ирина Михайлова, дуслары, волонтерлар каршы алдылар.

Кызганычка каршы, Илья баласының тууына бер ай кала махсус хәрби операция барган зонада геройларча вафат була.

Бала тудыру йортыннан чыкканда төшкән фотоны "Минзәлә-информ"га  волонтер Марина Зәйнетдинова бирде.