Минзәлә районында 14745 кеше коронавирустан прививка ясаткан

(Дифиза Нуриева, Минзәлә-информ)

Район үзәк хастаханәсеннән алынган мәгълүматлардан күренгәнчә, ковидтан 16100 доза вакцина кайткан. Барысы 14745 кеше прививка ясаткан, шуның 3728 е – 60 яшьтән өлкәнрәкләр.

Ковид авыруы әле һаман безнең арада, әлеге авыру белән чирләүчеләр районда даими ачыкланып тора. Бүгенге көндә 60 яшьтән өлкәнрәк булган 6 кеше госпитальдә дәвалану уза.

Янәшәдә шулай ук грипп авыруы да йөри. Әлеге авырудан сакланырга теләгәннәр шулай прививка ясатып, саклану чарасын күрә ала. Районга грипптан 8870 доза вакцина кайтты. 7014 кешегә грипптан прививка ясалды, шуның 2060 ы – балалар, 4954 е– өлкәннәр.